ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರದ ವತಿಯಿಂದ ನಡೆಯುವ ಸಮಾಜಮುಖಿ ಸೇವೆಗಳು ಶ್ರೀ ನಾರಾಯಣ ಗುರು ಸಂಕಲ್ಪಿತ...!!!

!! ಓಂ ಶ್ರೀ ನಾರಾಯಣ ಪರಮ ಗುರವೇ ನಮಃ!!

ಮಂಗಳೂರು :ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರದ ವತಿಯಿಂದ  

 #ಕೋವಿಡ್_19 ಲಾಕ್ ಡೌನ್  ಸಂಕಷ್ಟದ ಸ್ಥಿತಿಯನ್ನು ಗಮನಿಸಿ ಪ್ರತಿದಿನ ಮಂಗಳೂರು ನಗರದ ಕೂಳೂರು,ಪಂಜಿಮೊಗರು,ಎಂ.ಬಿ.ಶೆಟ್ಟಿ ಸರ್ಕಲ್, ಬರ್ಕೆ,ಮಣ್ಣಗುಡ್ಡ,ಉರುಂದಾಡಿ ಭಾಗದಲ್ಲಿರುವ ಸುಮಾರು 1000 ಮಂದಿ ನಿರಾಶ್ರಿತರಿಗೆ, ಬಡಕೂಲಿ ಕಾರ್ಮಿಕರಿಗೆ ,ಅಶಕ್ತರಿಗೆ ಕ್ಷೇತ್ರದ ವತಿಯಿಂದ ಕಳೆದ 27 ದಿನಗಳಿಂದ  ಅನ್ನ ಪ್ರಸಾದವನ್ನು  ವಿತರಣೆ ಮಾಡಲಾಗುತ್ತಿದೆ.ಜೊತೆಗೆ ಇಲ್ಲಿಯವರೆಗೆ ಸುಮಾರು 205 ಕ್ವಿಂಟಾಲ್ ಅಕ್ಕಿ ಕೂಡಾ ಯಾವುದೇ ಜಾತಿ ಮತ ಧರ್ಮ ಭೇದ ಭಾವ ಇಲ್ಲದೇ ಬೇರೆ ಬೇರೆ ಸಂಘ ಸಂಸ್ಥೆಗಳ ಮೂಲಕ  ವಿತರಣೆ ಮಾಡಲಾಯಿತು... ಎಲ್ಲವೂ ಭಗವಾನ್ ಶ್ರೀ ನಾರಾಯಣ ಗುರುವಿನ ಪ್ರೇರಣೆ ಸಂಕಲ್ಪ ಅನ್ನುವುದಕ್ಕೆ ಇದು ಪ್ರತ್ಯಕ್ಷ ಸಾಕ್ಷಿಯಾಗಿದೆ.

ಹಾಗೂ ಶ್ರೀಯುತ ಜನಾರ್ದನ ಪೂಜಾರಿಯವರ ಮಾರ್ಗದರ್ಶನ.

ಅದೇ ಅನ್ನ ಪ್ರಸಾದ  ವಿತರಣೆಯ  ಸೇವೆಯನ್ನು ಕಲ್ಪ ಟ್ರಸ್ಟ್ ನ ಸರ್ವ ಸದಸ್ಯರು ಸೇವಾ ರೂಪದಲ್ಲಿ ಮಾಡುತ್ತಿದ್ದಾರೆ. ಜೊತೆಗೆ ಈ ಸೇವೆಗೆ ಸಹಕಾರ ನೀಡಿದ ಎಲ್ಲರಿಗೂ ಶ್ರೀ ನಾರಾಯಣ ಗುರುದೇವರು,ಶ್ರೀ ಗೋಕರ್ಣನಾಥ ದೇವರು, ಅನ್ನಪೂರ್ಣೇಶ್ವರಿ ದೇವಿ ಹಾಗೂ ಕ್ಷೇತ್ರದ ಸರ್ವ ಶಕ್ತಿಗಳು ಅನುಗ್ರಹಿಸಲಿ ಎಂದು ಪ್ರಾರ್ಥಿಸುತ್ತೇವೆ.

ವಂದನೆಗಳು

ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರದ ಆಡಳಿತ ಮಂಡಳಿ.

ಕುದ್ರೋಳಿ ಶ್ರೀ ಗೋಕರ್ಣನಾಥ ಸೇವಾ ದಳ- ನಿರಂತರ ಶ್ರೀ ಕ್ಷೇತ್ರದ ಸೇವೆಯಲ್ಲಿ...

*ಕುದ್ರೋಳಿ ಶ್ರೀ ಗೋಕರ್ಣನಾಥ ಸೇವಾ ದಳ ನಿರಂತರ ಶ್ರೀ ಕ್ಷೇತ್ರದ ಸೇವೆಯ ಜೊತೆ*

*ಲಾಕ್ ಡೌನ್ ನಿಂದ ಸಂಕಷ್ಟ ಗೊಳಗಾದ  ಜನರಿಗೆ ಶ್ರೀ ಗೋಕರ್ಣನಾಥ ಕ್ಷೇತ್ರದಿಂದ  ಕೋವಿಡ್-19 ಅಕ್ಕಿಯನ್ನು ವಿತರಿಸುವಲ್ಲಿ ಸಂಪೂರ್ಣ ಸಹಕಾರ ನೀಡುತ್ತಿರುವ ಗೋಕರ್ಣನಾಥ ಸೇವಾ ದಳ*

ಬ್ರಹ್ಮ ಶ್ರೀ ನಾರಾಯಣಗುರುಗಳಿಂದ ಸ್ಥಾಪಿತವಾಗಿರುವ  ಜಗತ್ಪ್ರಸಿದ್ಧ  ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರ ಭಕ್ತರ ಸಂಕಷ್ಟ ವನ್ನು ದೂರ ಮಾಡುವ ಭಕ್ತಿಯ ಕೇಂದ್ರ ಹಾಗೂ  ಮಾನವರೆಲ್ಲರೂ ಸಮಾನರು ಎಂಬ ತತ್ವದಲ್ಲಿ ಪ್ರತಿಯೊಬ್ಬರಲ್ಲಿ  ಇರುವ ದೈವಿಕತೆ ಯನ್ನು ಬೆಳಗಿಸುವ ಸನಾತನ ಮಾನವೀಯ ಧರ್ಮದ ಅರಿವನ್ನು ಮೂಡಿಸುವ ಶ್ರೀ ನಾರಾಯಣ ಗುರುಗಳ ಕೃಪಾಶೀರ್ವಾದ  ಇರುವ ಮಾನವತೆಯ ಕೇಂದ್ರ ಕೂಡ ಆಗಿದೆ.

    ಇಂತಹ  ಶ್ರೀ ಕ್ಷೇತ್ರದ ಧಾರ್ಮಿಕ, ಸಾಮಾಜಿಕ, ಶೈಕ್ಷಣಿಕ ಚಟುವಟಿಕೆಗಳಲ್ಲಿ ಕ್ಷೇತ್ರಾಡಳಿತ ಸಮಿತಿಯ ಜೊತೆ ಸದಾ ಎಲೆಮರೆ ಕಾಯಿಯಂತೆ ಕೆಲಸ ಮಾಡುತ್ತಿರುವುದು ಗೋಕರ್ಣನಾಥ   ಸೇವಾ ದಳ. ತನ್ನ ಸೇವೆಯನ್ನು ಭಕ್ತಿಯಿಂದ ಮಾಡುವ ಗೋಕರ್ಣನಾಥ ಸೇವಾದಳ ಲಾಕ್ ಡೌನ್ ನ ಸಂದರ್ಭದಲ್ಲಿ  ಕೂಡ ಮಾನವೀಯ ಸೇವೆಯನ್ನು ಮಾಡುತ್ತಿದೆ ಇದಕ್ಕೆ ಸೇವಾದಳದ ಸರ್ವ ಸದಸ್ಯರು ಅಭಿನಂದನಾರ್ಹರು.