#ಉದಯೋನ್ಮಖ_ಸಾಧಕಿ_ಕುಮಾರಿ_ತಾಸ್ವಿ
#ಕರಾಟೆ_ಡ್ಯಾನ್ಸಿಂಗ್_ಸಂಗೀತ_ಕ್ರೀಡಾ_ಕ್ಷೇತ್ರದಲ್ಲಿ_ಮಿಂಚುತ್ತಿರುವ_ಪ್ರತಿಭೆ
"ಬೆಳೆಯುವ ಸಿರಿ ಮೊಳಕೆಯಲ್ಲಿ"
ಎನ್ನುವಂತದ್ದು ಸಹಜವಾಗಿ ಮಕ್ಕಳ ಚಾಣಕ್ಷತೆಗೆ ಅನುಗುಣವಾಗಿ ಹೇಳುವ ಮಾತು.
ಎಲ್ಲಾ ವಿಚಾರಗಳಲ್ಲೂ ಅಪ್ರತಿಮ ಪ್ರತಿಭೆ ತೋರುವ ಮಕ್ಕಳಿಗೆ ಹೇಳಿ ಮಾಡಿಸಿರುವ ಗಾದೆ ಮಾತು,
ಈ ಮಾತಿಗೆ ಅನುಸಾರವಾಗಿ ತನ್ನ ಸಣ್ಣ ಪ್ರಾಯದಲ್ಲೆ ಅಗಾಧ ಸಾಧನೆ ಮೆರೆದು ಕೀರ್ತಿ ತಂದ ಕುಮಾರಿ ತಾಸ್ವಿ ಯವರನ್ನು ನಿಮ್ಮ ಮುಂದೆಪರಿಚಯಿಸುತ್ತಿದ್ದೆವೆ.
ಮೂಲತಃ ಬೆಳ್ತಂಗಡಿ ತಾಲೂಕಿನವರಾದ ವಿಶ್ವನಾಥ್ ಪೂಜಾರಿ,ಹಾಗೂ ರವಿಕಲಾ ದಂಪತಿಗಳ ಸುಪುತ್ರಿಯಾಗಿರುವ ತಾಸ್ವಿಯವರು ಪ್ರಸ್ತುತ ಕುಟುಂಬ ಸಮೇತರಾಗಿ ಮಂಗಳೂರಿನ ವಾಮಾಂಜೂರಿನಲ್ಲಿ ವಾಸಿಸುತ್ತಿದ್ದಾರೆ.
ಶುಭೋಧಯ ವಿದ್ಯಾಲಯ ಮೂಡುಶೆಡ್ಡೆ ಇಲ್ಲಿಯ ಎಂಟನೇತರಗತಿಯಲ್ಲಿ ಓದುತ್ತಿರುವ ಇವರು ಕರಾಟೆ, ಡ್ಯಾನ್ಸ್ , ಸಂಗೀತ ಹಾಗೂ ಕ್ರೀಡಾ ಕ್ಷೇತ್ರದಲ್ಲಿ ಪಳಗಿರುವ ಅಪ್ರತಿಮ ಪ್ರತಿಭೆ.
ಗುರುಗಳಾದ ನಿತೀನ್ ಸುವರ್ಣ ಇವರ ಗರಡಿಯಲ್ಲಿ ಕರಾಟೆಯನ್ನು ಅಭ್ಯಾಸಿಸುತ್ತಿರುವ ತಾಸ್ವಿ,ಬ್ಲೂ ಬೇಲ್ಟ್ ಪಡೆದಿದ್ದಾರೆ.ಅನೇಕ ಭಾರಿ ತಾಲೂಕು,ಜಿಲ್ಲಾ ಮಟ್ಟದಲ್ಲಿ ಪ್ರಶಸ್ತಿ ಪಡೆದಿದ್ದು, ಎರಡು ಭಾರಿ ರಾಜ್ಯ ಮಟ್ಟದ ಸ್ಪರ್ಧೆಯಲ್ಲಿ ಭಾಗವಹಿಸಿ ಗೋಲ್ಡ್ ಮೆಡಲ್ ಪಡೆದುಕೊಂಡ ಕೀರ್ತಿ ಇವರದು.
ಇತ್ತೀಚೆಗೆ ಬೆಂಗಳೂರಿನಲ್ಲಿ ನಡೆದ ಮಿನಿ ಒಲಿಂಫಿಕ್ಸ್ನಲ್ಲಿ ಭಾಗವಹಿಸಿ ಬಾಕ್ಸಿಂಗ್ನಲ್ಲಿ ಗೋಲ್ಡ್ ಮೆಡಲ್ ವಿಜೇತೆಯಾಗಿ ರಾಷ್ಟ್ರೀಯ ಮಟ್ಟಕ್ಕೆ ಆಯ್ಕೆಯಾದ ನಮ್ಮ ತುಳುನಾಡಿನ ಹೆಮ್ಮೆಯ ಬಾಲ ಪ್ರತಿಭೆ.
ರಾಷ್ಟ್ರೀಯ ಮಟ್ಟದಲ್ಲೂ ಕರಾಟೆಯಲ್ಲಿ ತನ್ನ ಛಾಪನ್ನು ಮೆರೆದು ಸಿಲ್ವರ್ ಮೆಡಲ್ ಪಡೆದುಕೊಂಡಿದ್ದಾರೆ.
ಕಳೆದ ಆರು ವರುಷಗಳಿಂದ ಕರಾಟೆ ಅಭ್ಯಾಸಿಸುತ್ತಿದ್ದು, ಡ್ಯಾನ್ಸ್, ಭಜನೆ ಸಂಗೀತ ಕ್ಷೇತ್ರದಲ್ಲೂ ತನ್ನನ್ನು ತಾನು ತೋಡಗಿಸಿಕೊಂಡಿದ್ದಾರೆ.
ಕ್ರೀಡಾ ಕ್ಷೇತ್ರದಲ್ಲೂ ಬಹಳಷ್ಟು ಆಸಕ್ತಿವಹಿಸುವ ತಾಸ್ವಿ, ತ್ರೋಬಾಲ್ನಲ್ಲಿ ರಾಜ್ಯಮಟ್ಟವನ್ನು ಪ್ರತಿನಿಧಿಸಿದ್ದಾರೆ.
ಸಣ್ಣ ಪ್ರಾಯದಲ್ಲೆ ಸಾಧನೆಯ ಶಿಖರವೇರುತ್ತಿರುವ ಪುಟಾಣಿಯ ಸಾಧನೆಯನ್ನು ಮನಗಂಡು, ಆತ್ಮ ಶಕ್ತಿ ಕೋ-ಅಪರೆಟೀವ್ ಸೋಸೈಟಿಯವರು ಕ್ರೀಡಾ ಸಾಧಕಿ ಎಂದು ಗುರುತಿಸಿ ಸನ್ಮಾನಿಸಿದ್ದಾರೆ, ಹಾಗೆಯೇ ಯುವ ಬಿಲ್ಲವ ವೇದಿಕೆ, ಯುವವಾಹಿನಿ ಘಟಕ ಶಿರ್ಲಾಲು, ಹಾಗೂ ಇತ್ತೀಚೆಗೆ ಮಡಿಲು ಸಮ್ಮಾನ್ ಪುರಸ್ಕಾರ್2019ರ ಸಾಧಕಿ ಎಂದು ಗುರುತ್ತಿಸಿ ಸನ್ಮಾನಿಸಿದ್ದಾರೆ.
ಇನ್ನಷ್ಟು ಸಾಧಿಸುತ್ತ, ಪ್ರಶಸ್ತಿ-ಪುರಸ್ಕಾರಗಳು ಲಭಿಸುತ್ತ,ಸಾಧನೆಯ ಸಶಿಖರವೇರಲಿ ತಾಸ್ವಿಯವರು ಎಂದು ಮಡಿಲು ತಂಡ ಶುಭಾ ಹಾರೈಸುತ್ತೆ.
#ಮಡಿಲು
#ಇದು_ಕೊನೆಯಾಗದ_ಆಸರೆ.
ಕೃಪೆ: ಕೋಟಿ ಚೆನ್ನಯ FB page
